置業參考網站 · 並非發展商或賣方官方網站 · 本網站不列出任何價錢

高逸ORO138置業參考網站

常見問題

答案整理自售樓說明書、宣傳資料同傳媒報道。

高逸喺邊度?

九龍長沙灣醫局街138號,喺深水埗同長沙灣之間。宣傳資料指步行約9分鐘到港鐵深水埗站,約12分鐘到南昌站。

有幾多伙?

單幢,合共140伙。住宅樓層係5樓至27樓,不設13樓、14樓及24樓,即係20層,每層7伙(A至G室)。

有咩戶型、幾大?

開放式222平方呎,20伙;一房264至271平方呎,66伙;兩房331至353平方呎,48伙;另有6伙平台特色戶,232至315平方呎。全部係實用面積,全部開放式廚房。

最細嘅單位係邊個?

每層嘅G室,開放式,實用面積222平方呎,5樓至27樓都有,合共20伙。

最大嘅單位係邊個?

6樓至27樓嘅B室同E室,兩房,實用面積353平方呎,包括22平方呎露台同16平方呎工作平台。

平台特色戶係點?

即係5樓A至F室,每伙連一個平台:A室189平方呎、F室171平方呎、B同E室113平方呎、C同D室66平方呎。平台唔計入實用面積。5樓G室冇平台。

高層同低層間隔有冇分別?

有。22樓至27樓嘅A室同F室係兩房(335及331平方呎);6樓至21樓嘅A室同F室係一房(268及264平方呎)。B至E室同G室各層間隔一樣。

樓底幾高?

售樓說明書列明層與層之間高度3.5米;27樓A、B、C室3.7米,D室3.5及3.7米。層與層高度包括樓板厚度。

邊啲單位有露台?

6樓或以上嘅B、C、D、E室有露台(22平方呎)連工作平台(16平方呎),已經計入實用面積。A、F、G室冇露台。

廚房有咩電器?有冇煤氣?

全部開放式廚房,冇煤氣供應。售樓說明書列明有 Baumatic 電磁爐、Cimatech 蒸焗爐、Teka 抽油煙機、西門子雪櫃同洗衣機。

會所有咩?

會所設喺28樓同3樓,住客會所1,825平方呎,3樓另有2,919平方呎公用花園或遊樂地方。據傳媒報道,頂層有宴會廳、健身室、瑜伽區同天際景觀平台,3樓有空中花園同寵物公園。

樓下係咩?

地下同1樓係商舖,地下另有住宅入口大堂;2樓係機電房,3樓係會所同有蓋園景及遊樂場。

有冇車位?

冇。售樓說明書「停車位的樓面平面圖」一節列明不適用,項目唔設停車位。

搭港鐵去中環要幾多個站?

由深水埗站搭荃灣綫,7個站到中環,唔使轉車。由南昌站搭東涌綫,3個站到香港站,再行去中環站。

去高鐵站方唔方便?

由南昌站搭屯馬綫1個站到柯士甸站,再行去高鐵香港西九龍站。據傳媒引述發展商,揸車約6分鐘。

屬咩校網?

宣傳資料指屬小一40校網,中學屬深水埗區。40校網有寶血會嘉靈學校、深水埔街坊福利會小學、聖公會聖多馬小學等。校網以教育局公布為準。

望到咩景?

據傳媒報道,中高層望開揚城市景,部分單位望到獅子山或海景。實際景觀視乎座向、樓層同周邊建築物,日後亦可能改變,建議親身到現場睇。

係咪已經起好?

係。宣傳資料列明項目屬現樓,網站內嘅外觀相片同單位內部相片都係實景。

有冇單位內部實景相?

有。「單位實景」頁有九張現樓高層F室嘅相,包括客飯廳、開放式廚房、浴室同窗外景觀。F室喺22樓至27樓係兩房,實用面積331平方呎。

邊間公司管理?

根據公契最新擬稿,管理人為宜高物業管理有限公司。

發展商係邊個?

售樓說明書列明賣方為新暉投資發展有限公司,控權公司為富峰發展有限公司。

網站啲相同平面圖可唔可以作準?

大廈外觀同周邊景觀相片整理自宣傳資料,係實景但經過電腦修飾;單位內部相片喺現樓高層F室實地拍攝,只係移除咗標貼同玻璃反光。相片並不代表其他單位嘅間隔同景觀;平面圖整理自宣傳資料同售樓說明書。全部只供參考,以售樓說明書為準。

點樣了解多啲?

撳 WhatsApp 掣或者用微信掃 QR Code 就得。講低你想要幾多房、想要邊類樓層,我哋會盡快覆你。

有興趣就 WhatsApp

講低你想要幾多房、想要邊類樓層,我哋會盡快覆你。